Mir Schwoweleit ware seit eh un je gewehnt, zeidich morjets ufstehn, fruhstucke un um punkt 12 Uhr zu Mittach esse. Die Zeite ännre sich awer un so ach die Essenszeite un –gewohnheite. Iwerhaupscht an Sunn- oder Feiertäch. Do tun sich die Leit erschter mol richtsich ausschlofe un dernoh ausgiebich esse. Neierdings treffe sich Gruppen zu eem sogenennte „Bransch“ (Fruhstuck un Mittachesse in eem!) Werd Brunch gschrieb. Un so e Brunch hat im September 2020 in Detta, im Ferch-Haus, stattgfunn. Die Organisatore ware Delia Sescu-Barbu, Direktorin vum Verein for Förderung un Entwicklung vum Tourismus im Kreis Temesch, un die Hausbesitzer, Familie Margit un Roman Renner. Die Gäscht sin aus Detta, Temeschwar, Reschitza un sogar Hermannstadt kumm gewenn. Ufgetischt ware regionali Produkte aus eener Umgebung vun nit mehr als 50 Kilometer: Salate, Käs, kalti Platten, gfilltes Kraut un gfillte Paprika, Mamaliga, frischi Griewe, Schweinsbradl un mehrerelei Kuche. Derzu hat mer Kaffee, Wasser un selwer gemachti Säfte trinke kenne. Weil jo die Pandemie- un Viruszeit bestimmti Vorschrifte mit sich gebrung hat, sin alli Regle inghall wore. Un dass jo Abstand bewahrt gin kann, ware ausser Tische, Stiehl un Bänk im Garte ach Decke un Kisse im Gras gelee un han zum „bransche“ ingelad.
Vun wu de „Bransch“ herkummt?
Erschtmols muss kunschtatiert were: Als Brunch bezeichnet mer e Mahlzeit, die aus Fruhstuck un Mittachesse bsteht. Es Wort Brunch kummt ausm Englische un setzt sich zamm aus „breakfast“/Fruhstuck un „lunch“/Mittachesse. Des ganzi fangt am Vormittach geger elf Uhr an un git bis geger 15 Uhr ausgedehnt. Derbei is die Auswahl an Esse groß un verschieden. Es kann angfang were mit Brötchen, Brot (derzu Leckwar, Honich), fortgsetzt mit Worscht, Salami un Käs mit Aijer. Erscht dann kummt die Supp, Bradl mit Salat, Kuche un Kaffee. Wer e Brunch mitmacht, muss owacht gin, wie un wievill er esse tut. Bei so eener reichi Auswahl kann mer jo nor vun allem koschte. Bis zu guterletscht git awer jeder satt! (ha)
